نحب ونتحب

نحب ونتحب

الحب كلمة بتتقال كتير اوى ادامنا ... في الافلام الابيض واسود والاغاني وكمان في السيما بالالوان

ودايما السؤال المشهور " انت حبيت ... انت عشت الحب قبل كدة ؟؟؟!!!

وطبعا نسمع الكلمة من هنا ونذبهل ... كأأننا بنقول انت اخترعت الذرة

طب وبعدين ؟!!

نسرح ونشرد ونتوه ونعد نفكر ونحاول نفتكر ياتري  حبينا طب والحب ده شكله ايه ؟

بيتحس ازاى ؟ ونشوف اول حب ف حياتنا ونعيش في الخيال ونفتكر انه حب وبعدين يتضح لينا انه لا طلع حب والا حاجة.........

ونفكر تاني طب ايه هو وازاى نعرف اننا حبينا ...

دي بئة مشكلة من اكبر مشاكل مجتمعنا

ان البنت والولد يطلعوا من صغرهم ع التليفزيون في الافلام والاغاني ده حتي في الكرتون *_*

نيجي بئة علي المهم اننا نطلع طول عمرنا نفسنا نحب ونتحب ونلائي ال يغنيلنا زى العندليب وال نحبها زي سندريلا وال تقول مكسوفة اقولك بقمة دلعها زى شادية .... والصادمة بئة تطلع في جيل الشات والفيسبوك والسهر طول الليل علي الايك والشار والكومنت والتاج وبعدين في الاخر يتعملنا بلوووووووووك

ونفضل في نفس الدوامة بس الاول كانت الاحلام وردية وجو الافلام الابيض واسود اتطورت وقلبت لالوان ودخلنا في عالم الاحلام

والميسد كول والميسدج والفور جي كمااان

وياسلام علي آآلووو ووراها نتعرف ونتقابل  ونسهر ونتساير

ونتقابل وتسد كل الابواب  ,

وبعدين لا تخيلات والا افلام والا احلام نافعين طب وايه العمل ؟

طب عاوزين نعرف ايه الحب ده بطعم ايه وشكله ايه ؟؟؟

ده اكيد العيب في حمادة وتوتو مش في الحب ... واكيد اكيد هنلاقي الفارس علي الحصان الابيض  ^_^

وبعد دمعتين وكلمتين كلهم جرح وفراق ومع اول شات وممكن نتعرف ننسي حمادة والا جاب توتو

ونبتدي نفتح قلبنا الا انجرح وياخسارة القلب الابيض ال بئة اووف ويت

من كتر التجارب والمحاولات عشان( نحب ونتحب )

طيب دي مراحل منمراحل كتير منها الجامعة ال زهقونا منها ف السمسلات والافلام اننا ندخل الجامعة من هنا نلائى ال يحبنا ويموت ف دباديبينا وللاسف نلائى مواجع وقصص وروايات

يتعمل منها احلي الحكايات

ونتخرج ولسة جوانا نفس الاماني اننا نلائي ال امه داعياله .. L

وندخل مرحلة الشغل وخلاص الدوامة خلصت ونطرتنا علي الشط وياترب ال هيزغطنا زي البط والا لا

وكل المحاولات تفشل لحد ماييجي الجواز العادي التقليدي من غير عد النجوم والا الاغاني والا كورنيش وترمس وسوداني ....ونتجوز ونتصدم ونعيش حياة مهلبية ... وفي الاخر ياتكمل ونعيش مكسورين الخاطر

يانطلق وندور تاني في نفس الدوامة اننا ( نحب ونتحب )

وللاسف ناسين من البداية ان الحب اتخلقنا بيه وعشنا فيه والمفروض بئة كل الدوامة دي تتغير ونرمي البذرة في الصغير انه الحب الحقيقي هو (( حب الله )) واننا بنحب اهلنا وبنعيش في الدنيا علي الحب وبالحب ونكبر ولازم نكمل مسيرة حبنا ف الله ورسوله ونعمل ال يكمل الحب ده في كل اوامر الله والبعد عن معاصيه والله هنعيش وبكدة هنكون (( بنحب ونتحب ))