ازاى اكون نفسي ؟؟؟

بقينا في وقت كله متداخل جوا بعضه ... تشتت تردد توهان ,, ازاى اكون نفسي ؟؟؟

ازاى اقدر احقق حلمى ... ارسم هدفي ... اخطط لحياتي

اولا : البعد كل البعد كل البعد عن السلبيات الموجودة ال اصبحت كتير اوووى لدرجة ان الواحد مابيلحئش انه يفوق يخرج من موقف البلد والسياسة يدخل ف موقف اقرب الناس لي كتخرج منه تدخل في احباط في الشغل  او الدراسة  وهكذا وهكذا ..... 

ثانيا :القرب من ربنا سبحانه وتعالي بدعاء ,, بصدقة ,, ببر امك وابوك ,, صله رحمك ,, ابتسامة فى وشوش ال حواليك ,, مساعدة اى حد في اي وقت :) 

ثالثا : تشوف ايه اكتر حاجة بتحبها  اعملها ونمي نفسك  فيها اوووووووى وتدورر وتبحث علي تطوراتها واكتر الناس المبدعين فيها ساعتها هتتميز بحاجة بتحبها .

رابعا : اكتب من انا ؟؟؟ ووراها طلع كل ال فيك اوعي تتدكن ع صفة كدة والا كدة :) اكتب كل سلبياتك وايجابياتك واعرف نفسك افهمها واقربلها وحبها .... اعرف نقط ضعفك وقويها واستغل نقط قوتك وخليها اساس تميييزك

خامسا : كلامك .... خد بالك من كلامك اوووووى :) لانه اساس تفكيرك وادراكك وتصرفاتك ... حفز نفسك بنفسك ... خلي عندك جدار عااازل قوي :) من اى احباط خارجي من اى حد حتى لو من مامتك او باباك او اعز اصحابك ( انت فاكر نفسك هتغير الكون ,,, كان غيرك اشطر ) ايوة هتغير الكون :) جواك طاقة وتفكير عبقرى لو استغلتهم صح بس ابتدي واكسر جدار خوفك هتلائى طبيعة خلابة هتلائى نجاح باااهر بس البذرة مش اول ماتزرعها تتطلعلك نخلة اصبر علي بذرتك هتدوق احلي ثماااار بس ازرعها صح

سادسا : الحب ... ايوة هو الحب ,, حب نفسك ,, حب الناس وطبعا اهللك ,,, حب حد اووووووى لدرجة انك تعيش عشان تكونوا سوا 

الحب بيرفع هرمون السعادة ويزود الطاقة الايجابية بيدى الامل ف الحياة بيخليك عايش حياة صح :) ... يالا حبوا بعــض :)