حكايتنا النهاردة البعد

حكايتنا النهاردة البعد  
البعد من اصعب الامور علي الانسان  انه يتعود علي وجود شخص بيحبه وبيهتم بيه وجنبه باستمرار  ويحصل بعد أياً كان ايه نوعه سفر او فراق او ظروف او زعل المهم انهم بعدوا عن بعض
يبتدي يومك من غيره  اتعودت تكلمه اتعودت ع صوته هزاره ضحكته تقريره اليومي هيعمل ايه 
وبعدين كل ده يختفي  يأما كل دقيقة تشوف الفون اتصل طب بعت رسالة طيب ايييه مجتش ف باله 
تبتدي دوامة العصبية والكئابة والسرحان والخنقة وال حوليك يسألوك مالك مفيش فيك ايه متغير  لا مفيش وبعديييييين يايكون فيه اتصال منه ويتقلب المزاج لفرحة تامة او تزيد الكآآآآبة لمرحلة اكتئاب

ويبتدي الخيال يسرح  صوته وكلامه اهتمامه وضحكته الشه  ونكده حتى زعيقة ياااااااااه  تحس بانقلاب ف الذاكرة وتعيش بين الاحداث السابقة ياتهرب بالنوم او بالاكل او بالانفراد  والانعزااااال وتعلق جمجمة علي الباب وخطر ممنوع الاقتراب 

تبتدى البحث عن المجهول وتحول تقرب البعيد  .... والبعيد اكيييد بعد بمزاجه لان مفيش ظروف تفرق هيكون فيه سؤال ولو ثانية 

"وما تلاحقه يهرب منك "  كل ما هتحاول تقرب اكتر هو هيبعد اكتر  ,,, خدها من قصرها وابعد انت كمان اشتري نفسك طب وقلبي اعمل ايه فيه !!!!!
الحب او التعود علي وجود شخص بحياتك  ده شىء كيميائي في الجسم ومرتبط بافراز هرمونات معينة لما بيحصل قرب ومشاعر بين طرفين وقت البعد والفراق ينعدم افراز الهرمونات دى في الجسم فبيحصل اللخبطة في المشاعر والاحساس واضطراب بين نوم وسهر وجوع وافراط في الاكل

والحل ,,,, الهرمون ده بيرتبط بالاحساس بالشخص طيب الشخص بعد ومشي واختفي هيرتبط الهرمون بالذكري كل ماهتعيدى الذكريات هتعيدى كل ال فات يعنى تختفي كل حاجة مع الشخص ال بعد واختفي منحولش نفكر فيه نغير الفون او نبعده عننا اطول فترة نعمل اوف لاين للاكونت وميظهرش البوستات الخاصة بيه عندنا الانشغال التام شغل زيارات هوايات اعمال تطوعية اعمال خيرية الاندماج ف مجال او فيلم او مشروع
بعد فترة معينه هينسحب الادمان من الدم وهو الهرمون المتصل بالشخص والحياة هتكون زى قبل مانعرفه بس الموضوع وقت واصرار   

حكايتنا النهاردة القتل

حكايتنا النهاردة عن القتل :o
متستغربش الكلمة  ايوة هي القتل  B|
معظمنا قاتلين  B|  .... قاتلين نفسنا  قاتلنها بالذنوب بالبعد عن الله  3:)  قاتلنها بالكسل بالعادات والتقاليد الغلط وال ملهاش اى اساس
قاتلنها بحكمنا ع الناس  3:)  بمظهرهم بسطحية بدون تعمق ايوة فيه لسة كتير كمان
قاتلنها بمعتقدات :/  وادراك غير سوى مفهوش اى واقعية :/  او منطق
قاتلنها بلانسحاب  -_-  ... بالتشائم واليائس واالاستسلام

عايشين جسد بدون روح ونفس مقتولة  -_-   وبنقول ليه ايامنا مبتورة

مستنين وسطة ومحسوبية o.O   والا عندنا مهارة والا خفية  o.O  وبيقولوا دايما الرزق يحب اييييه .... الخفية بس نفسنا متقلنها من كتر قتلنا فيها مشيلنها فوق طاقتها مموتنها ومفيش كرم ليها >:o

بدوروا دايما ع السهل:(  ولو طريق صعب تختارو الغلط  :( او تعلقوا التهم والفشل علي  الف شماعة و اشاعة
دوروا جوا نفسكوا  <3  اعرفوها حبوها وعيشوها ... عيشوها وسطكم هتحبكم <3
عيشوا صح ^_^ من غير جرح والا صعب مفيش مستحيل ^_^ فيه ان شاء الله كل خير

رتبوا نفسكم ونظموا وقتكم حددوا اهدافكم  =D ..... اسعوا بخطوات واصرار واتمنى واشكر الله هيرزقك من حيث لا تحتسب =D

بس انتوا  O:)  صفوا النية واتوكلوا علي الحق خالق البرية ^_^

حب قديم

حكايتنا النهاردة عن " حب قديم " 

كل واحد بيمر بحب فى حياته هنسميه الحب الاول ... حب من اول نظرة ... حب يخطف المهم انه ف الاخر حب  

يمر بينا الوقت ونقول اننا مش هنقدر نعيش من غير الحب ده ونعيش اجمل ايام في سرحان وتفكير ودقات قلب وتغير شكل ملامحنا لما نشوف ال بنحبه وارتباك ونسيان كل حااااااااااااجة لما نشوف الشخص ال بنحبه 

وبعدين : نعترف بالحب ممكن اعتراف بالعيون وممكن بالكلام ونحلم ونحلم ونحلم
 لحد ما نتصدم بالواقع ونفووووووق 

يضيع الحلم وميضعش الحب وتفضل المشاعر متراكمة جوانا ممكن نتناساها بانشغالنا ف الشغل او الدراسة 

وبعدين نرتبط بحد عادي عشان الحياة تمشي ومشيت وتمت 

فجأأأأأة 
ظهر الحب الاول ويبتدي يقرب ويرجع الحنين ويرجع القديم  ومجرد انه رجع الاطار الزمنى للاحداث كلها بتتجددت لان لكل حدث جوانا اطار زمنى لما بننساه ومش بنفتكره والا يكون ف ادراكنا بيتلاشى الاطار تدريجي مجرد ما نفتكره بيرجع يتجدد بذكرياته بمشاعره باحاسيسه بكل المواقف ال مرت 

خلاص ارتبط بشخص تاني والاولانى ظهر ( ايه العمل ) حصل قلق ودوشة وارتباك وصرراااااع بين قلبك وحبك واجمل مشاعر حصلت مع العقل وان خلاص فيه ارتباط رسمي بشخص تانى وكويس ومواصفاته كويسة وشاري وكل حاجة بتتقال 

ساعتها هتقرر ايه قلبك والا عقلك ؟؟؟؟ 
اقرر الصح انى اكمل طريقي صح ... اشوف ايه ال هيكون مناسب ليا الحياة مشاعر وتصرفات ... اقوال وافعال ... اختلاف وتشابهه اشياء بنتمناها ممكن ميكنش الخير لينا فيها 
بس بنسعي وبندعي عشان نعيش زى ما ربنا سبحانه وتعالي خلقنا  ... عز نفسك ومتزلهاش ومتحملهاش فوق طاقتها 
عش بطاعة الله ... عش بالحب واملي الدنيا بيه ... هتعيش سعيد  



خلاص قررت هكمل مع مين .      يبقا اقطع اي صله بيني وبين الشخص التاني واكمل مع الاختيار ال وصلتله 

اقطع وسيله اتصال او فكرة او ذكري او كلمة 
اقطع الحبل اللاواعي فى تفكيري عشان اقدر اعيش صح واكمل بدون تشتت :) 

الغرور

حكايتنا النهاردة عن الغرور 
يعني ايه """غرور "" شوية ثقة بالنفس زيادة شوية مش بيحس بيها الشخص نفسه لكن بيحس بيها ال حواليه  
ازاى نقول عليه مغرور وتنك  : لما بتصدر منه مواقف مش ع هوانا  يعني مش بيهزر كتير قافل ع نفسه بيتكلم بحساب الرد ع اد الكلام نظراته حادة  

ع طول نقول عليه مغرور طب ليه منقولش انه جااااد وصاارم ف شغله ده لو ف حدود الشغل  

لو زميل دراسة  ممكن يكون دى شخصيته الخارجية بمنظور التعامل السطحى  لو اتعمقنا ف الكلام معاه بيحصل العكس تماما  وتتقلب الرؤية  ونرجع نقوله ده انت اول ماشفتك قولت عليك ( رخم _ تنك _ مغرور والاخيرة أأتم ) 
لكن لما كلمتك لالالالا حاجة تانية خالص 

بلييييز بلاش نتعامل بالمظاهر او المنظور الخارجي يعني لما نكون عاوزين نحكم علي حد نتعامل معاه بمنظور شخصي قريب غير كدة يكون حكمك خاطىء 

***السطحيون وحدهم هم من يحكمون علي الناس من مظهرهم الخارجي
لـــ اوسكار ويلد



ده بالنسبة للغرور بنظارة عقل الاخرين لكن الغرور الفعلي 
ده بيكون جوا الشخص نفسه بتكون موجودة فى كلامه ومشيته وافتخاره بذاته ونفسه بيتباهي بأشياء موجودة فيه او مش موجودة ... يتعالى علي الناس ويتكبر عليهم يحسب نفسه من طينة اخرى او من كوكب تانى ااااااو ليه حاجات مش ف حد تانى غيررره 
هو ده فعلا الشخص المغرور ... ده مكروه  كمعاملات انسانية  وبيعمل نوع من الكراهية لان الانسان معاملة 

الغيرة

حكايتنا النهاردة عن الغيرة
الغيرة ف الشغل , الغيرة بين الاحباب , الغيرة بين الاولاد 
الغيرة بين الازواج , الغيرة بين الاهل والاصحاب 

ليه بنغير من بعض او علي بعض ؟؟؟؟ 
ايه الاسباب للغيرة اصلا هل هي فعلا دليل علي الحب ام علي التملك

لو هنتكلم عن الغيرة العاطفية بين الاحباب او الازواج ( دي غيرة طبيعيه وشعور طبيعي ف الانسان بس لو زاد عن حده بيقلب لضده ويزيد لمشاكل وممكن يقلب لشك وده هيكون مرضي مش طبيعي )

الغيرة بين الاصحاب او الزمايل ف الشغل
فده شعور بعدم وجود شخص افضل من الشخص ال بيغير بمعني انه انسان بيحب الظهور وانه التوب ف الشىء ده بدون منافس ولو ظهر منافس يغير ده كويس ممكن يولد جزء من المنافسه وظهور احسن ماعنده ونشاط اكتر بسسس لو اتقلب لحقد وكراهية وحسد وتمنى زوال النعمة دي هتكون حالة مرضية ولازم علاج والدعاء لاى شخص ناجح بالتوفيق له والكرم لنفسك الملائكة هترد عليك وتقول امين وللك بمثلك وتدخل جوا قلبك الطمائنينة

الغيرة بين الاخوات
لما يكون اتنين اخوات بنهم غيرة بيكون طبيعي لان طفل كبير اتحمل مسئلية والصغير اخد الدلع او العكس الصغير شايف الكبير كله بيحترمه وهو معندهوش نفس المكانه بيحاول الشخص ال بيغير لفت الانظار بأى طريقة منها العنف او السرقة او طول اللسان والرد او المشاغبة المهم ياخد الاهمية ال عند اخوه في الحالة دى لازم الام تتدخل وتحاول تقرب الاخين وتعدل ف المعاملة عشان ميكبرش الغيرة جوا حد فيهم وتخلق جو من الغبار بين الاخين

الغيرة ده شعور طبيعي ف الانسان بس الاحسن نستخدمه لتحسين نفسنا اول باول ومنحولش نخليه يكبر ويكون مارد ويدمرنا قبل مايدمر ال حولينا
@سارة حسين

من انا ؟؟؟

تريد أن تعرف 

من انا ؟؟؟

انا انثي تعشق كل تفاصيلها
تعشق حبها وعشقها
لديها من الاحساس ما يزيد ويفيض
لديها كل ماهو جديد

انا حب ... لست متعة
انا احساس ... لست رغبة
انا حياااااااة .... لست احتياج

اخــــتطافـــــك

اريد اختطافك ... احتضانك بشدة .. تعمقك .. اهمس لك بكل مايدور بي
ألمس كف يديك ... المس بحنان وأكتب عليها بروحي بقلبي بتدفق دمي (أحبك)
أ ح ب ك
أريد ان اشعر بانفاسك وهي فوق جبيني وهي علي خدودي لتبصم علي شفتي وأشعر برضاب شفتيك
لأدخل ف عالمك .. اسير بين كرات دمك واندمج في قلبك... حتي لا تستطع التخلص مني, اكون ملازمة لك في كل اوقاتك لاشعر بنبضات دقاتك
اريد ان اقترب منك بهدوووء واهمس لك ف اذنك واقول احبك ويسير صوتى هو ندائك اريد سحرك فلا تشفي منى حتي في مماتك ابعث معك ونخلد سويا

واصبح جنية حياتك .. تراني ف كل مكان وتسمع همسي ف كل الاركان
ح ب ي ب ي
اريد نطقها بتقطع مقصود لتشعر بكل حرف وهو يخرج من شفتي مع دقات قلبي مع ايحاءات جسدي
جسدي الذي يتالم ف بعدك فهو يريد اقترانك لمسك واحتواءاك فانا
أريـــــــــــدكــــــــ

ا ر ي د ك
انت بنظراتك بهمساتك بهدوءك وثوراتك
ا ر ي د ك
بفرحك واكتئابك باصرارك وحماسك
اريدك بخوفك وابتعادك
اريدك
حبيبا وابا كريما ... اريدك اخا وعشيقا وصديقا

انت بجانبي واشعر بك بداخلي
اتنهد بشدة ولكن اريدك ف عالمي انا وحدي بيني وبين نفسي
احضنك ... المسك ... اتنفسك ... اتوغل بداخلك
اريد حفري بين جميع ثناياك
حتي لا يمحيه الزمن وتأتي بانثي اخري تعيشك غيري
اريد روحك دائما تطوف حولي
ح ب ي ب ي
انا اريدك بسرية تامة حتى لا افشي ذاك السر بيني وبين نفسي
فحبك اريده بريء لا يتعقر بأى غبار .. بأى شوائب
فلا تقترب مني
فلا تفشي سري
فلا تعقر حبي البريء الذي ملاني

أنا وذاتي

بحتث بداخلي عن مأواي ... عن ذاتي .. عن طهري عن أخطأي

ألزمت نفسي في البحث عني ... لأحقك مبتغي   في ذاتي لأكن احد أفضل مني ...

محوت كل الألقاب التي وسمتها لي الحياة وتركت التجارب تعيد حساباتي

وقسمت نفسي فريقين واحدة معي والآخري ضدي

وقمت بتصنيفهم  وتدريبهم  كيف يسيروا في طريقي بين ارضي

وسمائي تحدثت مع كل واحدة علي حدة

الأولى وهي من معي ... أريدك دائما في أفضل حال

أريدك متألقة رغم كل الأحوال .. رغم الضغوط والصعاب رغم العقبات

تمسكي وتشبثي بهدفك وقضيتك وانشري رسالتك متيقنة

ومؤمنة بحلمك وبقيمك ولا تنسي يوما مبادئك ... فأنا فخورة بك

وتركتها وكلى حماس إنها ستحقق كل انجاز ودعوت الاخري للحديث وهي ضدي

تنفست بعمق واستعدت للمواجهة وهي من أصعب الصعاب ... ومن أقوى المواجهات ...

أكتشف كل عيوبي وأخطائي ... كل فشلي وسقطاتي

وآآآه من هذه مواجهة بيني وبين ذاتي ... فهي متعجرفة

ولا تعترف بخطئها تكابر وتلقي اللوم علي الآخرين علي المكان علي الزمان

تمالكت أعصابي وهدأت من روعي وتماسكت جيدا

وقلت لها بهدوء أين انتى الآن والي أين ستذهبين بي ...

كفاكي بعدا وضلال .. كفاكي سهو ارجعي إلى واندمجي بمن معي لتكونوا  واحد

وأكن أنا في أفضل حال ... رفضت بكل الأحوال وقالت لي : هذه سنة الحياة فلا كمال إلا لله ..

أنت بشر ( لكي أخطاءك وعيوبك وحسناتك وضروبك ) أقنعتني بحروفها وجذبتني لرأيها

ولكن لما الاستسلام ؟؟ فأنا لم اطلب الكمال أنا فقط أريد إن أكون في أفضل حال

دون أخطاء دون شهوات دون بعض الارتكابات ... فقالت أيضا وأين تذهب التوبة

ومغفرة الله فهي وسعت السماء والأرض فاذهبي لطريق الهداية والتوبة

والعبادة فهي خير طريق لاجبارى علي الاستسلام ... فتركتها

ولجئت لرب الكون ودعوت الله بالعفو والمغفرة وتيقنت برحمته التي وسعت كل شيء

لـــ سارة حسين

خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا

بسم الله 

يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا 

وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالأَرْحَامَ إِنَّ

اللَّهَ كَانَ عَلَيْكُمْ رَقِيبًا. [النساء:1]



هذه الحقيقة لو أدركها الناس
لكانت كفيلة بإستبعاد 
الصراع العنصري بين الجنسين
 فلا فرق بين الرجل
 والمرأة فهما نفس واحدة.
لا فارق في (الأصل)
وإنما الفارق في (الوظيفة) .. 
إنهما ليسا فردين متماثلين .. إ
نما زوجان متكاملان .

سيد قطب
رحمه الله